Nius Hetlain:
Angau Moiri Senta baksait long Lae Angau haus sik, i tok tete ol i karim 80 pela pikinini husait i no kisim sik HIV long ol mama husait i gat HIV.
Rijeniol Medikal Offisa bilong HIV na STI, Dr Elsie Ryan i tok long 2007 yet ol i i lukautim moa long 400pela mama igat sik HIV. Dispela ol meri i kisim tritmen long mama pikinini program.
Tete long Ke Senta ol i sanap wantaim kantri long tingim Wol AIDS dei.
Lon nambawan taim tru, ol pipol bilong ol liklik ples lo Bogia Distrik Madang, i kisim halivim long ol ai dokta. Dispela wok halivim i kam aninit lo Lukaut blo Weld Visen Madang. Ol ai dokta i sekim tu taosen man meri i gat hevi lon ai na ol i givim ol ai glas fri.
Univesiti of Teknologi i kirapim wok risech i go insait lo ol arapela kain enegi o rot bilong mekim pawa.
Na long spots nius,
Presiden bilong Hekari Socca Asosiesion, John Kapi Nato, PNG Futbol Assosiesion i rausim em long wok.
