Nius Hetlain
Bosman bilong Nesenel Statistikel Opis, Roko Koloma, i strong yet olsem em i no mekim wanpela paol pasin, bai polis i go painim em. Em i tokim ol nius manmeri tete olsem em i bin kisim 4-pela wik malolo, na i bin sik tu, olsem na em i no stap long opis.
Ol lain manmeri i stap long hausing projek bilong Fainens dipatmen, nau i singaut long halivim long stretim rot bilong ol. Long taim em i bin kamap, i nogat wanpela luksave i stap long stretim rot bilong ol, na ol hauslain yet i wok long traim long stretim rot bilong ol. Gavana bilong NCD, Powes Parkop, i tok planti long ol hausing projek, em ol i no save pasim gut tok wanbel wantaim NCDC, bai ol i ken givim wok bilong lukautim ol rot i go long han bilong siti kaunsol.
Ol lain spotmanmeri bilong PNG husat i bin winim ol gold, silva na brons medal long Komonwelt Gems, tete i kisim luksave winmoni bilong ol long trukai industries. Ol biknem weitlifta manmeri em Steven Kari, husat i winim Gold, Dika Toua husat i winim Silva medal, na Morea Baru, husat i winim brons.
