News Tok Pisin Nius

6 Jenueri | EMTV Nesenel Nius Long Tok Pisin

Nius Hetlain:

Praim Minista Peter O’Neill, i givim luksave long tupela long taim niusman bilong kantri, em Susuve Laumaea, na Oseah Philemon, husat i bin lusim laip long mun i go pinis. Praim Minista i tok olsem dai bilong tupela i lusim bikpela sot long nius mida indastri long kantri, long wanem dispela tupela niusman i bin gat bikpela savemak long bringim nius i go long pipel bilong kantri.

PNG Difens fos bai salim 150 soldia i go long Hela provins long strongim bek lo na oda. Dispela wokabaut bilong ol soldia i kamap bihainim Stet ov Imejensi we gavman i sanapim long provins long mun Disemba las yia.

Wanpela liklik mangi, nem bilong en Damien, husat i gat faivpela krismas tasol, i lus yet long Lae siti. Damien i lus wanpela mun pinis, na famili bilong en i wok long painim em yet. Damien i bin lus long Voco Point nambis long Novemba 26 las yia.

Na long spots nius:

Kosa bilong SP PNG Hunters, Michael Marum, i bilip strong long lainap bilong skwad bilong dispela sisen, wantaim kambek bilong Israel Eliab. Marum i tok dispela yia, Hunters i gat gutpela sans long lukim fainol…

Related posts

Over 50, 000 Fun Run T-shirts sold

EMTV Online

Calls To Preserve Motuan Art of Tattooing

EMTV Online

Speaker Referred to Ombudsman

EMTV Online

Leave a Comment

error: Content is protected !!