9 Ogas | EMTV Nesenel Nius long Tok Pisin

Hetlain:

Helt depatmen tete i tokaut olsem namba 2 raun bilong polio banis sut em bai ol i mekim long ol provins long hailans rigen. Displa toksave i kamap behainim namba 3 pikinini ol i painim wantaim sik polio long Enga provins. Long Eastern Highlands, Morobe na Madang ol bai go insait long numba 2 raun bilong banis sut taim narapla faifpla provins bai mekim namba wan raun bilong ol.

Kantri bai inap lukim intenet bai speed moa behain long mun Februari long 2019. Minista bilong ol Gavman Bisnis William Duma i tokaut long dispela tete taim em i raun igo lukim ples wea bikpla waia bilong karim strongpla moa intenet signel bai i kam sua long en.

Beon aus kalabus long Madang i nogat moa spes long wanem namba bilong ol kalabus man meri i winim mak bilong em. CS Komanda blong Beon aus kalabus sif inspekta Andrew Polis i tok mak bilong Beon em i arere long 200 kalabus man meri tasol nau yet i gat 444 kalabus man meri i stap long Beon.

Read more

3 Ogas | EMTV Nesenel Nius long Tok Pisin

Hetlain:

Wok i go het nau long sanapim wanpla bikpla komiti long lukluk long wok bong sevim ol man meri na bringim ol i kam bak gut behain long balus i bungim birua. Kantri i nogat wanpla komiti olsem na taim igat balus birua i kamap em i save hat moa long hariap na kisim olgeta stori blong dispela olgeta kain birua; behain long gavman i wok long kisim planti askim long sidaun blong ekonomi blong kantri, Minista blong Tresari, Charles Abel i tok aut tete olsem ekonomi blong kantri i wok long strong bak gen. Em i tok behain long bikpla guria long hailans i bin givim bikpla hevi long ekonomi tasol nau em i kam bak gen.

Read more
error: Content is protected !!