9 Jenueri | EMTV Nesenel Nius Long Tok Pisin

Nius Hetlain:

Hevi i sa kamap long gan pait i karim planti toktok i kam long ron bilong nesinol eleksions. 3pla moa mun i stap inap isue ov writs, tasol ol pipol i holim yet gan long kisim sapot bilong eleksions. Long dispela nau gavman i kirapim gun moratorium o taim long lusim ol gan na ol samting long pait igo long polis long gat control long ol hevi i kamap long gan.

Ol sumatin bilong Univesiti bilong Papua Niugini i mas mekim full pei long school fee bilong 2017 skul yia. Ekting Sensela, Dr Nicholas Mann, i tok univeisit i no stap long gutpela sindaun long ronim ol skul progrem wantaim liklik moni. Dispela i lukluk tu long second half bilong 2016 semester na 2017 skul yia.

Dr Mann i tok tu, olsem Nesinol gavman i no bin gim yet 12 milian kina igo long Univesiti, ol i bin tok ling givim. Moa long nine tausen nupela intake I gat sans long skul long haia edukasion na tekinikal institusion long kantri.

Nesinol seleksion i pinis long disemba na i lukim ol selekta bilong moa long 35pela institusion mekim seleksion. Dispela yia i lukim moa sumatin i bai statim haia edukesion bihainim ol nupela institusion na progrem i kamap aninit long Haia Edukesion Ekt. Ol nem bilong ol nupela sumatin i stap long website bilong Haia Edukesion Depatmen na bai kamap long Nius pepa long Wednesday wantaim ol nem bilong ol sumatin bai go bek long skul.

Long Lae siti ol i painim wanpela pukpuk I ron long baret ausait long wanpela bisnishaus. Wanpela wokman bilong Jim Tapako Invesmen, i yusim kakaruk long holim dispela pukupuk. Ol i nau salim toksave long ol manmeri silip long hap long lukluk gut na raun, long wanem nogut i gat planti moa i stap long hap.

Na long spots nius:

Intanesinol PNG Basketbol pilaia Marty Leahy, i mekim nem bilong em olsem basketbol pilaia long Yunited Stets taim em i lusim Brisben Australia.

Email this to someonePrint this pageShare on FacebookTweet about this on TwitterShare on Google+Share on TumblrShare on LinkedIn
EMTV Online

EMTV Online

EMTV Online is the premier destination for Papua New Guinea news on the internet.